"Contemplazione"
olio su tela
cm. 80x60
Emilio Matera
www.emiliomatera.it

Bedda pupidda

m’innàiu iùtu, ma ‘na cosa t’avìa a ddiri

sinnò unn’àiu risettu.

Assai ci stetti na ’sta terra.

Mi port’appressu cèvusi, racìna,

li me manu caddùsi chi cugghìanu ficurinnii

e fichi ruci com’attìa.

U cavaddu ca ogni gniornu  ri prima matina

mi purtava  ‘ncampagna, a *Mànniranova,

era comu un figghiu pimmìa;  m’arricriàva u cori

 taliàllu

prima ri ìrimi a curcàri. ‘na vita ri terra ‘a mia

Bedda pupidda,

‘ntu scurdàri:  ama ‘a terra

supra ogni cosa

Rina Accardo